ស្វាយរៀង៖ ពលរដ្ឋខ្មែរ បោះបង់ចោលភូមិធ្លក មកតាំងលំនៅ ភូមិធ្លកថ្មី ក្រោយបោះបង្គោលព្រំដែនខ្មែរ-យួនថ្មី

19503_936396276420111_5931453152067762693_n

ស្វាយរៀង៖ ពលរដ្ឋខ្មែរ បោះបង់ចោលភូមិធ្លក មកតាំងលំនៅ ភូមិធ្លកថ្មី ក្រោយបោះបង្គោល ព្រំដែនខ្មែរ-យួនថ្មី
អត្ថបទ ម៉ែន ណាត, /28/10/2016

ភូមិធ្លក ស្ថិតនៅចន្លោះបង្គោលព្រំដែនថ្មី លេខ ២០២ និងលេខ ២០៣ ដែលឥឡូវស្ថិតក្នុង ទឹកដី វៀតណាម រួចទៅហើយ។ កាលពីថ្ងៃទី១៩ ខែកក្កដា ឆ្នាំ២០១៥ ក្រុមតំណាងរាស្រ្តពីបក្សប្រឆាំង ដែលមានលោក អ៊ុំ សំអាន, លោក រៀល ខេមរិន្ទ្រ និងតំណាងរាស្រ្តមួយចំនួនទៀត ជាមួយ ក្រុមយុវជន ព្រះសង្ឃ ជាង ២០០០ នាក់/អង្គ បានចុះទៅកាន់តំបន់ព្រំដែនខ្មែរ-យួន បង្គោល លេខ ២០២ និង លេខ ២០៣ នៅចន្លោះភូមិធ្លកចាស់ និងភូមិធ្លកថ្មី ឃុំត្នោត ស្រុកកំពង់រោទិ៍ ខេត្តស្វាយរៀង។

ក្រុមសកម្មជនព្រំដែន និង ពលរដ្ឋម្ចាស់ស្រុកភូមិ បញ្ជាក់ថា បង្គោលព្រំដែនថ្មី ត្រូវបានយួន រំកិលចូល ក្នុងទឹកដីខ្មែរ ហើយដីកប់ខ្មោចដូនតាខ្មែរ នៅភូមិធ្លក ត្រូវស្ថិតក្នុងទឹកដីយួន សព្វថ្ងៃ។ ពួកគាត់បញ្ជាក់ថា «បានបោះបង់ចោលភូមិចាស់ មកនៅភូមិថ្មី រួចដាក់ឈ្មោះថ្មីថា ភូមិធ្លកថ្មី»។ ថ្នូរដូនតា ឬកន្លែងកប់សព របស់អ្នកស្រុក គឺជាភស្តុតាងដែលមិនអាចប្រកែកបាន ពីព្រោះថា ពលរដ្ឋខ្មែរ បានតាំងលំនៅរបស់ខ្លួន តាំងពីបូរមបុរាណមក។ ហើយចំណុចនេះ ក៏ត្រូវបាន ទទួលស្គាល់ តាមនីតិវិធីអន្តរជាតិ អំពីជនជាតិមួយ ដែលមាប្រពៃណីដូនតារបស់គេ រស់នៅ តាំងពីយូរយារ។

ដូច្នេះបើមានពេលសមរម្យ សូមបងប្អូនជនរួមជាតិ ចុះទៅជួបពលរដ្ឋទីនោះ ដើម្បីស្តាប់ និង ចូលរួម ជាមួយការឈឺចាប់ របស់បងប្អូនពលរដ្ឋយើងផង។

យើងនៅចាំបានថា គ្រប់ករណីដែលក្រុមសកម្មជនព្រំដែន ចុះទៅពនិត្យព្រំដែន តែងត្រូវបាន រារាំងដោយ កងកម្លាំងសមត្ថកិច្ចខ្មែរគ្នាផង និងកងកម្លាំងរបស់វៀតណាមផង។ ក្រុមកងកម្លាំង វៀតណាម បាន ចូលមករារាំងដំណើរក្រុមអ្នកចុះទៅព្រំដែន នៅក្នុងទឹកដីខ្មែរ ដែលមានចម្ងាយ ពីបង្គោលព្រំដែន ពី ៥០០ ម៉ែត្រ ទៅ ១ គីឡូម៉ែត្រ ដូចករណីខេត្តស្វាយរៀងនេះស្រាប់។

រដ្ឋាភិបាល ហ៊ុន សែន បានចុះហត្ថលេខាជាច្រើន លើកិច្ចព្រមព្រៀង និងសន្ធិសញ្ញាព្រំដែន ជាមួយ វៀតណាម ដែលក្រុមអ្នកជំនាញព្រំដែនខ្មែរ លោក ស៊ាន ប៉េងសែ, លោក ឌី ការេត នៅទីក្រុងប៉ារីស និងក្រុមសកម្មជនព្រំដែន ចោទប្រកាន់ថា «ហ៊ុន សែន ធ្វើតាមការចង់បាន របស់យួន ជាការធ្វើ ជាតិប្រហារ»។

Advertisements
This entry was posted in Nokor and tagged , , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.